Kurso por progresantoj, kiuj jam superas Lernu Plu

La Esperanto-Asocio de Britio ofte starigas porkomencantajn kaj porkomencintojn kursojn ĉe sia sidejo. Postplu estas provo starigi kurseron por tiuj, kiuj sukcese jam partoprenis Lernu Plu kaj bezonas iom pli. Patroprenado estas senkosta.

Gvidos Postplu Tim Owen. Se vi tiel progresis, ke Lernu Plu ne plu taŭgas por vi, pensu partopreni Postplu.


Sekven

Kion ni faros?

Ni kunvenos en Londono kaj en Barlastono por iom paroli la lingvon, diskuteti kelkajn temojn, kaj fari ekzercojn iom pli profundajn ol ĉe Lernu Plu. Laŭ antaŭa aranĝo ni pritraktos tiklajn temojn, kiujn petis la ĉeestontoj. Vi havos la okazon paroli en la lingvo kun aliaj similniveluloj. Poste eblos sociumi kun lokaj esperantistoj.

La sesio en Londono (22-a de Septembro) okazos kun samtempa porkomencinta kurso kaj posta eblo kunveni en taverno kun lokaj spertaj esperantistoj. La sesio en Barlastono (10-11-a de Novembro) estos dutaga afero, kaj en apuda ĉambro okazos sesio de Lernu Plu.

Sekven

Informoj Tutkurtaj

Jen mallongaj informoj utilaj por ĉion scii pri Postplu

Kiam

Septembro

Postplu komenciĝos je la 10:00 sabaton, la 22an de Septembro. Ĝi finiĝos je la 18:00. Poste eblos kunveni kun aliaj esperantistoj en Londono.

Novembro

Postplu komenciĝos je la 10:00 sabaton, la 10an de Novembro post lunĉo dimanĉon.

Kie

Septembro

Proksime al metro-haltejo Highbury and Islington.

Plenan adreson vi ricevos post aliĝo.

Novembro

Esperanto House, la sidejo de la Esperanto-Asocio de Britio.

Esperanto House, Station Road, Barlaston, Staffordshire, ST12 9DE

Trovi Esperanto House

Kiu

Gvidos la kurson Tim Owen.

Loĝado

Septembro

Ĉar Postplu en Londono estas unutaga kurso supozeble vi ne bezonos tranoktadon. Se tamen jes, vi mem devos okupiĝi pri tio.

Novembro

Vi devas mem aranĝi vian tranoktadon. Ni rekomendas la Travelodge kaj Premier Inn, kiuj ambaŭ troviĝas ĉe Trentham

Ni povus aranĝi taksion por vi kaj aliaj studentoj inter la hoteloj kaj Esperanto House, se propran transporton vi ne havas. Vojaĝkostoj pagendos dimanĉon kaj kutime estas inter po £5 kaj po £8. Sciigu nin antaŭe, se vi dezirus nian helpon.

Kosto

Partoprenado ĉe Postplu SENKOSTAS. Se vi alvenos, vi ricevos senpage la instruadon.

Septembro

Manĝaĵojn kaj trinkaĵojn vi devos mem pagi. Ili aĉeteblas malmultekoste ĉe la ejo.

Novembro

Ni proponas senpagan leĝeran lunĉon la sabaton kaj la dimanĉon. Sabaton vespere ni manĝos kune ĉe loka restoracio, ĉe kiu vi devos mem pagi la kostojn.

Vojaĝadaj Informoj

Septembro

La plej proksima metroa haltejo estas Highbury and Islington.

Novembro

Barlastono atingeblas per aŭto. La plej proksimaj trajnstacioj estas Stoke-on-Trent kaj Stafford.

Sekven

Enskribu Vin

* Pardonu, la sesio estas plene enskribita. Ni anoncos pluajn sesiojn por 2019. *

    Indiku per hoketo kurso(j)n, por kiu(j) vi registriĝas:

    22a de Septembro (Londono)
    10a-11a de Novembro (Barlastono)
    Please contact me about future courses
    We will delete your details after 12 months