Rekte al la artikolo

Kopenhajke

<<  [971]  >>

Simon Davies

Ventotunelas
Eksterkongreseje sed
Jen esperflago.

Eĉ de sandviĉo
La prezo harstarigas:
Ŝoka ekpago.

Ŝirmas mantelo
Plasta en ne nur unu
Gutiga tago.

Merkredon grizo
Taŭge someriĝas por
Traurba vago.

Verdkoraj homoj
Buntas vestible kiel
Karpoj en lago.

Ĉiamaj eroj
Enviciĝas statute:
Mankas imago.

Sed la enhavo
Nuligas enuon per
Cerba reago.

Kune, klerige,
koncerte, kronokoste:
jen Kopenhago.

Ĉi tiu artikolo aperis en La Brita Esperantisto de aŭtuno 2011.

<<  [971]  >>