En la kadro de la tutmonda sesio de la KER-ekzamenoj aranĝiĝos ekzamena sesio en Londono la 20-an de junio 2020. La ekzamenoj estas oficiale agnoskitaj de eŭropaj instancoj.
Okazos la sesioj ĉe YMCA Indian Student Hostel, 41 Fitzroy Square, London, W1T 6AQ , proksime al la metrostacioj Warren Street kaj Great Portland Street. La sesio ekos je la 09:00.
Kandidatoj rajtos ekzameniĝi je unu el la ĉi-supraj niveloj, ĉu parole, ĉu skribe, ĉu ambaŭ laŭ prefero. La prezoj estas 35€ (B1 skriba aŭ parola, 70€ ambaŭ), 40€ (B2 skriba aŭ parola, 80€ ambaŭ), 45€ (C1 skriba aŭ parola, 90€ ambaŭ).
Ĉu ne certa pri via nivelo? Kontrolu la specimenojn.
Profesoro Renato Corsetti, eksprezidanto de la Universala Esperanto-Asocio kaj membro de la Akademio de Esperanto, estas la ligulo kun la oficialaj instancoj kaj afable proponis starigi ĉi tiun sesion en Londono.
EAB konsentas repagi al ĝis dek sukcesaj kandidatoj loĝantaj en Britio siajn kotizojn ĝis £50 (aŭ la plena sumo, se tio malsuperas £50), sed ili ĉiuokaze enskribiĝu kaj antaŭpagu laŭ la kutima maniero.
Bonvolu ne peticii ĉe EAB pri la repagoj. EAB okupiĝos pri la financa kontribuo, sed Renato Corsetti decidos antaŭe, kiuj estos en tiuj dek, kaze ke estos tro da kandidatoj.
Bonvole entajpu viajn detalojn kaj alklaku la butonon. Poste Renato Corsetti kontaktos vin por konfirmi vian nivelon kaj transdoni pli da detaloj.