Porprogresanta kurso post Lernu Plu | 9a de Februaro
La Esperanto-Asocio de Britio ofte starigas porkomencantajn kaj porkomencintojn kursojn ĉe sia sidejo. Postplu estas provo starigi kurseron por tiuj, kiuj sukcese jam partoprenis Lernu Plu kaj bezonas iom pli. Patroprenado estas senkosta.
Gvidos Postplu Tim Owen. Se vi tiel progresis, ke Lernu Plu ne plu taŭgas por vi, pensu partopreni Postplu.
Ni kunvenos en Londono por iom paroli la lingvon, diskuteti kelkajn temojn, kaj fari ekzercojn iom pli profundajn ol ĉe Lernu Plu. Laŭ antaŭa aranĝo ni pritraktos tiklajn temojn, kiujn petis la ĉeestontoj. Vi havos la okazon paroli en la lingvo kun aliaj similniveluloj.
Jen mallongaj informoj utilaj por ĉion scii pri Postplu
Postplu komenciĝos je la 10:00 sabaton, la 9an de Februaro. Ĝi finiĝos je la 17:00. Poste eblos kunveni en loka taverno.
Proksime al metro-haltejo Highbury and Islington.
Plenan adreson vi ricevos post aliĝo.
Gvidos la kurson Tim Owen, direktoro de la Esperanto-Asocio de Britio kaj kunaŭtoro de la lernolibro Complete Esperanto.
Ĉar Postplu estas unutaga kurso supozeble vi ne bezonos tranoktadon. Se tamen jes, vi mem devos okupiĝi pri tio.
Partoprenado ĉe Postplu estas SENKOSTA. Se vi alvenos, vi ricevos senpage la instruadon.
La plej proksima metroa haltejo estas Highbury and Islington.