Somerlernejo

Jam dum pli ol 50 jaroj okazas la Somerlernejo en Barlastono, Stafordŝiro. Post pandemiaj virtualaj sesioj, ĉi-jare ĝi revenos al ĉeeste. Ĝi estos senpaga, kaj okazos semajnfine ĉe Esperanto-Domo, la sidejo de la Esperanto-Asocio de Britio.

Gvidos grupon de progresantoj Jack Warren, tute en Esperanto, laŭ la multjara tradicio. Se vi jam lernis iom da Esperanto, vi trovos ion ĉe Somerlernejo utilan por vi.


 Aĝo-limigoj: Kvankam la enhavo de nia kursaro tauĝas por ĉiuj, ni bedaŭras, ke aktuale ne eblas akcepti homojn sub-18-jarajn al aranĝoj okazantaj ĉe Esperanto-Domo.

Sekven

Por mezniveluloj

«En nia grupo por progresantoj studentoj plifortigos sian komprenon de Esperanto per diversaj lingvaj ekzercoj. Tiuj estos precipe parolaj, kaj ankaŭ celos amuzon. Inter pasintaj kromaj temoj pritraktataj estis la internacia poŝtservo, difinoj de vortoj el PIV (kun kvizo), aŭtoŝildoj de Eŭropo, kaj la vivociklo de la papilio.»

Jack Warren dum jardekoj instruis lingvojn al plenkreskuloj. Li redaktas la jorkŝiran revuon La Blanka Rozo, prelegas ĉe regionaj eventoj, kaj kontribuas artikolojn al la tutlanda revuo La Brita Esperantisto.

Montri ekzemplajn notojn

Similaj vortoj – ŝajne

Kiel ili malsimilas?

akcento - akĉento
aŭdantaro - aŭdienco
favoro - komplezo
germana - ĝermana
ĝusta - justa
letero - litero
paĝo - paĝio
palmo - polmo
pinto - poento
prava - dekstra
preĝejo - eklezio
seĝo - sidloko
sinjoro - ĝentlemano
sinjorino - damo
skatolo - kofro


Adaptiĝi al nova vivmaniero

Vojaĝante alilanden per Esperanto, oni ja havas komunan lingvon, sed ne ĉiam komunan vivmanieron. Al kiuj el tiuj situacioj vi povus facile adaptiĝi? Kiuj estus por vi problemoj? Kial?

  • Enirante domon oni demetas siajn ŝuojn.
  • Infanoj alparolas gepatrojn per iliaj antaŭnomoj.
  • Oni ne manĝas ĉetable.
  • Ĉe festoj viroj kaj virinoj konversacias en apartaj ĉambroj.
  • Ne eblas promeni sole surstrate.
  • Pluraj personoj trinkas el la sama glaso.
  • Dum konversacioj oni ne malŝaltas la televidilon.
  • Oni manĝas perfingre.
  • Dimanĉe vi devas iri al la preĝejo.
  • Oni manĝos kokidaĵon – kaj vi devas mortigi la kokidon.
  • Fremdulo demandas ĉu vi estas edz(in)iĝita.
  • Oni ne proponas al vi alkoholaĵojn.
  • Vi devas dividi dormoĉambron.
  • Por iri ien ajn oni devas bicikli.
  • Oni manĝas per bastonetoj.
  • Oni proponas al vi alkoholaĵojn.
  • Fremdulo parolas pri intimaj aferoj.
  • Ĉe publika evento oni ekstaras kaj kantas la nacian himnon.
Sekven

Informoj Tutkurtaj

Jen mallongaj informoj utilaj por ĉion scii pri Somerlernejo.

Kiam

Somerlernejo komenciĝos je la 10:00 sabaton, la 20-an de aŭgusto. Ĝi finiĝos lunĉhore dimanĉon, la 21-an de aŭgusto.

Kie

Esperanto House, la sidejo de la Esperanto-Asocio de Britio

Esperanto House, Station Road, Barlaston, Staffordshire, ST12 9DE

Kiu

Jack Warren, sperta instruisto de plenkreskuloj, kaj kutima gvidanto de progresantoj ĉe la Brita Kongreso.

Loĝado

Vi devos aranĝi vian propran tranoktadon. Ni rekomendas la Travelodge ĉe Trentham.

Ni povas organizi taksion por transporti vin kaj viajn kunstudentojn inter ĉi tie kaj Esperanto-Domo, se vi ne havas propran veturilon. Taksi-kostojn ni kalkulos kaj pagigos la dimanĉon. Kutime ili ĉirkaŭas po £5-£8 por ĉiu persono. Sciigu nin antaŭe, se vi dezirus nian helpon.

Kosto

Partoprenado ĉe Somerlernejo estos SENKOSTA. Se vi alvenos, vi ricevos senpage la instruadon, tagmanĝan bufedon ambaŭtage, kaj trinkaĵojn dumtage.

Ne inkluziviĝas loĝado, vojaĝado, aŭ manĝo- kaj trink-kostoj por la sabata vespero, kiam ni iros al loka restoracio. Tiujn kostojn vi mem devos pagi. Kontaktu nin, se vi bezonas iom da financa subteno por partopreni.

Vojaĝadaj informoj

La plej proksima stacidomo estas Stoke-on-Trent, kvankam Stafford estas similan distancon for. Bonvolu kontakti nin se vi bezonas helpon plani vian vojaĝon.

Sekven