EAB proponas du traduk-konkursojn, malfermatajn al esperantistoj ĉie en la mondo. La ĉefa konkurso postulas tradukadon de la unua ĉapitro de la angla versio de La filino de la tempo, verkita de Josephine Tey. La dua konkurso, kun kromnomo nova talento, postulas tradukadon el la angla de la unua ĉapitro de Kiam Hitlero ŝtelis Rozkuniklon, verkita de Judith Kerr. Rajtas konkursi en nova talento ĉiuj esperantistoj, krom tiuj, kies tradukon de verko pli ol 12.000 vortojn longa oni jam eldonis.
La gajnintaj konkursintoj poste tradukos la tutan libron. Ili ricevos £500 post publikigado, se ili ĝustatempe provizos nin per taŭga traduko. Pri ĉiu alia parto de eldonado respondecos EAB, ne la tradukonto: ni enapaĝiĝos, aranĝos la kovrilojn, ktp. Ni eble kontrolos ĉe vi rilate kontroladon de la presprovaĵoj, sed helpi tiel ne estos deve.
Oni anoncu sian kandidatiĝon per formularo alligita en la menuo kaj diversloke en tiu ĉi paĝo, plej laste antaŭ la fino (britahore) de la 31-a de decembro 2025. EAB poste kontaktos vin por transdoni la tradukendan tekston.
Viajn tradukojn vi devos sendi al Tim Owen (tim.owen@esperanto.org.uk) plej laste antaŭ la fino (britahore) de la 31-a de decembro 2025. Estos akceptitaj nur elektronikaj dokumentoj en formatoj .rtf, .doc, .docx, aŭ .odt. Oni uzu Esperantajn supersignojn; se necese, akcepteblos tradukoj verkitaj per la x-sistemo. Tradukoj verkitaj per la h-sistemo aŭ aliaj ne estos akceptitaj.
Tekstoj prezentu alineon en la angla kaj tuj sube ĝian tradukon en Esperanto; poste la sekvanta alineo en la angla kaj, sube, la tradukon; kaj tiel plu.
Oni rajtas kandidatiĝi por unu aŭ por ambaŭ konkursoj. La juĝontoj tamen ne nomos la saman kandidaton gajninto de ambaŭ konkursoj; eblas gajni en nur unu!
Alt-nivelan subtenon kaj konsilojn ricevos laŭpete la gajninto de ambaŭ konkursoj.
Kandidatoj povas esti aŭ unuopuloj, aŭ kunlaborantaj teamoj. Atentu, tamen, ke la premioj ne estos disigeblaj. Maksimume kvin ekzempleroj de la publikigita libro estos transdonitaj, krom sen antaŭa interkonsento. Se gajnos teamo, ĝi nomumos unu teamanon por esti la korespondonto kun EAB kaj ricevi, post publikigado, £500.
Kandidatoj estas liberaj traduki nomojn laŭ siaj propraj preferoj en siaj konkursaj specimenoj, sed EAB, kiel eldonejo, decidos, kiuj formoj aperos en la publikigota versio. EAB redaktos la tekston laŭbezone antaŭ ol eldoni.
Alternativajn premiojn al la jam indikitaj EAB ne disponebligos.
EAB invitos promsplenajn konkursintojn senpage partopreni plursemajnan traduk-atelieron gvidatan de Hoss Firooznia.
La juĝontoj estas tri membroj de la Akademio de Esperanto, kiuj zorgeme rigardos ĉiun specimenon, al ili plusenditan anonimigite, por taksi la ĝustecon, konfirmi, ke la tono de la originala verko restas, kaj kontroli la legeblecon. Ilia decido estos definitiva.
Gajnintoj devos labori kun EAB kaj ĝiaj reprezentantoj por ke ene de unu jaro ili provizos per manuskripto taŭge bona por publikigado, antaŭ ol malvalidiĝos la traduk-rajtoj. (Laŭbezone, eblos interkonsenti pri eventuala plilongigo.) EAB ne anoncos gajninton, se ĝi ne ricevos tradukojn sufiĉe bonajn por pensigi, ke, kun subteno, eblos traduki la koncernatan libron ĝis publikiginda kvalito en la necesa tempo.
La plenan premion (£500 kaj kvin ekzempleroj de la libro) EAB transdonos post publikigado de la koncerna libro. Se la manuskripton oni sendos malĝustatempe aŭ malaltkvalite, la premio estos forcedita.
Kopirajto por la tradukita teksto restos ĉe EAB, kiel estas normale, kiam tradukinto ricevas pagon kontraŭ sia laboro, kaj kiel okazis en ĉiuj lastatempaj libroj eldonitaj de EAB, inkluzive de tiuj tradukitaj senpage. La tradukinton oni nomos tradukinto de la verko, kaj la kopirajt-paĝo de la libro indikos, ke la tradukinto asertas sian moralan rajton esti agnoskata tio. La nomo de la tradukinto aperos en la titol-paĝo de la libro, kaj en informoj pri ĝi, ktp.
