C2-ekzamenoj rete trapaseblaj en novembro

edukado.net raportas, ke eblos trapasi rete ekzamenojn je la pli defia nivelo, C2, en la 23/24-a de novembro, se aliĝos minimume 20 personoj.

Celante subteni la ekzamenojn kaj kleriĝadon de esperantistoj, EAB repagos la ekzamenkostojn de sukcesintaj kandidatoj loĝantaj en Britujo, plus pagos la presadon kaj liveradon de la atestiloj poste!

Pli da detaloj (inkluzive de provtestaj kaj klarigaj) kaj aliĝeblo troveblas ĉi tie.

Redakta noto: la datoj estis ĝisdatigitaj de la 16/17-a al la 23/24-a de novembro en la 9-a de oktobro.