La Asocio: skizoj kaj studoj pri la historio de UEA

Universala Esperanto-Asocio estas konata kiel la plej granda organizaĵo en la movado, kun revuo, jarlibro kaj kongreso. Sed kio okazis malantaŭ la kulisoj? Danke al la Arkivo de UEA nun eblas prilumigi en tiu ĉi libro verkita de Ziko van Dijk strukturojn kaj epizodojn el la historio de la monda Asocio, de la komenco ĝis la 1960-aj jaroj.
Tiu ĉi libro kunigas tri iom grandajn studojn, pri Biblioteko Hector Hodler, la statutoj de la Asocio kaj la Historioj de Esperanto. Cetere ĝi enhavas mallongajn, leĝere verkitajn kontribuojn pri eventoj aŭ koncizaj temoj: la centraj oficejoj, la Esperantiaj Respondkuponoj, germanlingvaj nomoj en la Jarlibro, britaj plendoj kontraŭ Edmond Privat, la Universala Kongreso en Italio kaj Afriko, prezidantoj Stettler kaj Bastien, la krimo de la kongresa sekretario, arkivaĵoj en forno, Fighiera en komunista Varsovio kaj la kialo, ke Ivo Lapenna ne fariĝis heroo de Novjorko.
***
FEL, Antwerp, 2008, 301p, 21cm.  ISBN 9789077066379